A representación dos Bolechas sae na prensa

Faro de Vigo

Representación dos Bolechas na casa do Chocolate de Teimende

O día 11 de Outubro  houbo na Casa do Chocolate de Teimende unha actividade que consistíu na posta en escea  sobre o libro dos Bolechas: "Lembranzas con sabor a chocolate".

Nesta teatralización participaron un grupo de actores aficionados así como nenos de Parada de Sil. Houbo dous pases: ás 12:00 e ás 17:00, onde se contaba as raíces aztecas do cacao, o seu camiño cara a Europa e  a chegada do chocolate  a Teimende da man de Pedro Casares.

Lembranzas con sabor a chocolate.

Lembranzas con sabor a chocolate é o título do libro dos BOLECHAS, que conta a historia de fábrica de Chocolates Caldelas.

Lembranzas con sabor a chocolate en Tele Miño

Presentación do libro no Liceo de Ourense.

 

Visita á Casa do Chocolate da fundación Juan Soñador

O día 4 de outubro a fundación Juan Soñador visita a Casa do Chocolate. Foron recibidos polo alcalde de Parada de Sil e a continuación Rosa Casares explicoulles os ingredientes necesarios para a fabricación do chocolate, as máquinas necesarias e todo o que supuxo a fábrica para o pobo de Teimende. Ao rematar tomaron chocolate con galletas feitas artesanalmente nas que se podía ler Casa do Chocolate.

Visita á Casa do Chocolate das primas de Parada de Sil

O día 21 de Setembro visitaron a Casa do Chocolate unhas primas de Parada de Sil que viñan acompañadas de familiares. A explicación foi feita por Loli.  Todo un placer poder facelo.

Día mundial do chocolate na prensa

 

Día mundial do chocolate.

O día 13 de setembro, celébrase o día mundial do chocolate e a Casa do Chocolate de Teimende celebrouno "a lo grande" co día de portas abertas e con degustación de chocolate e galletas. Houbo unha gran resposta por parte do público.

Cartel anunciando o día do chocolate

Extracción do mel 2025

Como en anos anteriores e unha vez finalizada a época do verán e da flor, recollemos o mel. Este ano foi o día 30 de agosto. Os pasos son sempre os mesmos: recoller os panais nas alzas das colmeas, desopercular, introducir na máquina de extracción do mel e deixar decantar antes de envasar.

Visita á Casa do Chocolate

O día 19 de agosto, un grupo de amigos formado por 5 adultos e 4 nenos/as que viven a maioría en Barcelona visitan a Casa do Chocolate.

A explicación foi feita por Rosa e Loli. Coñeceron a procedencia da materia prima: o cacao e tamén as máquinas para a elaboración dos Chocolates Caldelas.

Celebración do día do Cacao

 O día 6 de Xullo  celebramos o día do Cacao na Casa de Chocolate de Teimende. Era un día de portas abertas con entrada gratuita e degustación de chocolate con galletas de castaña.

A celebración  foi moi exitosa cunha gran afluencia de público.

Experiencia apícola do CRA de Monterrei e o CEIP de Medeiros.

 O día 13 de xuño, o CRA  de Monterrei e o CEIP de Medeiros tuveron  unha experiencia apícola na que coñeceron a importancia das abellas, a súa organización, unha cámara de cría e todos os aparellos precisos para a extracción do mel. Vestíronse de apicultores e degustaron o mel.