Pequenos agasallos

A historia do Chocolate chega ao centro penitenciario de Pereiro de Aguiar.

Dende a Casa do Chocolate de Teimende, realizamos unha visita o día 7 de outubro ao Centro Penitenciario de Pereiro de Aguiar para compartir, a través dunha pequena representación, a historia dos Chocolates Caldelas, recuperando lembranzas, tradición e parte do noso patrimonio  chocolateiro.

Unha experiencia especial para acercar a historia do chocolate a outras persoas e manter viva a tradición que forma parte da nosa identidade.

Día Mundial do Chocolate

O día 12 de setembro, na Casa do Chocolate de Teimende celebramos o Día Mundial do Chocolate, disfrutando dunha xornada moi especial na que o sabor doce do chocolate uníuse á música e ó folclore da nosa terra, coa magnífica actuación do grupo folclórico SUASAIRAS.

Foi unha xornada de portas abertas.Grazas a todas as  persoas que nos acompañaron e fixeron desta celebración un bonito encontro no que a tradición, cultura e chocolate foron os grandes protagonistas. 

O segredo está dentro da abella

O traballo das abellas

Detrás de cada tarro de mel hai  un traballo de miles de abellas. Cuidalas é cuidar a natureza, as flores e a vida que nos rodea. 

O mel é un regalo do seu traballo, un alimento natural que nos lembra a importancia de coidar e respectar a estos pequenos insectos que manteñen viva a natureza.

Os Noviños do Sil visitan a Casa do Chocolate.

A visita á Casa do Chocolate de Noviños do Sil foi unha experiencia moi agradable e enriquecedora. Poideron coñecer de cerca  a tradición  e o proceso de elaboración do chocolate, ademais de descubrir a  historia e o traballo  que hai detrás deste produto. Unha visita interesante, principalmente polo seu carácter artesanal e pola oportunidade de ver as máquinas en funcionamento.

Día Mundial do Cacao

Con motivo do  día mundial do Cacao, a Casa do Chocolate de Teimende acolleo unha representación especial na que mostrou  a historia do cacao e a transformación en chocolate. A través dunha posta en escea amena e educativa, os asistentes puderon coñecer a orixe deste produto, a súa importancia cultural e o proceso de elaboración do chocolate. 

A actividade despertou o interese de pequenos e maiores, convertíndose nunha  experiencia divertida e enriquecedora para todos e todas.