O sábado 11 de Marzo, nenos/as do Concello de Parada de Sil, así como os seus familiares, visitaron a Casa Museo de Chocolate de Teimende, onde puderon ver as máquinas e os utensilios que se empregaban para a elaboración artesá dos Chocolates Caldelas. Remataron coa degustación de chocolate e bica.
A clínica de Córtex Rehabilitación Neurológica, ubicada en Tui, agasallou aos seus clientes con chocolate de Casa Museo de Teimende.
.jpg)
.jpg)
A Casa Museo do Chocolate volveu ás aulas. Esta vez foi da man de Laura Iglesias Polo, que fixo un traballo explicando as orixes da fábrica de chocolate "Caldelas", da familia Casares e a súa posterior conversión en Casa Museo, despois de que as herdeiras de Ricardo Casares, último chocolateiro da saga familiar, e propietarias da casa e a maquinaria, cederan o conxunto ó concello de Parada de Sil.
Tanto o contido como a exposición valéronlle á autora a mellor calificación. Así que parabéns para Laura!
A casa de turismo rural de Niñodaguia, agasallou aos seus clientes con chocolatinas da Casa Museo de Chocolate de Teimende, contribuíndo así a espallar os recursos turísticos e lugares de interés na Ribeira Sacra. Os afortunados, seguro que agradeceron o presente ó tempo que saborearon e apreciaron o arrecendo do chocolate de Teimende.
Na voda de Alberte e Cristina agasallaron aos invitados con chocolatinas da Casa Museo do Chocolate de Teimende. Agasallos doces!!!!
