Grata xornada a que compartimos cos internos no salón de actos do Centro Penitenciario de Pereiro de Aguiar, a quenes lles explicamos a historia da vella fábrica de chocolate de Teimende (Parada de Sil), hoxe convertida na Casa Museo do Chocolate. Contamos como foron as súas orixes, os ingredientes utilizados na elaboración do produto, a maquinaria empregada, o procso de fabricación e comercialización, así como o que supuxo máis alá do negocio para o pobo e o seu entorno nun tempo cheo de dificultades e carencias socioeconómicas.
Queremos suliñar e agradecer o absoluto silencio e respecto amosado polo nutrido grupo de asistentes durante a exposición, que rematou coa entrega de chocolatinas para a súa degustación.
